中Xitoy va Oʻzbekiston ·
Xitoy – Qirgʻiziston – Oʻzbekiston temiryoʻli qurilishining borishi maʼlum qilindi
2026-yil oxiriga qadar Xitoy – Qirgʻiziston – Oʻzbekiston temiryoʻli qurilishining 22 foizi yakunlanishi rejalashtirilmoqda. Ushbu loyiha boʻyicha ishlar bir vaqtning oʻzida 11 ta uchastkada olib borilmoqda.
Xitoy – Qirgʻiziston – Oʻzbekiston temiryoʻli kompaniyasi bosh direktori oʻrinbosari Ulan Kulovning maʼlum qilishicha, loyiha boʻyicha yer ishlari 67 foizga, koʻpriklarning poydevor qismlari 95 foizga va tunnellarni qazish ishlari 21,5 foizga bajarilgan. Avgust oyida uzunligi 209 metr boʻlgan birinchi tunnel toʻliq qazib boʻlingan.
Qirgʻiziston hududida umumiy uzunligi 104 kilometr boʻlgan 29 ta tunnel va 25 kilometrlik 50 ta koʻprik qurilishi koʻzda tutilgan. Temiryoʻlning ushbu mamlakatdagi umumiy uzunligi 304 kilometrni tashkil etadi. Ayrim uchastkalar dengiz sathidan 3 600 metrgacha boʻlgan balandlikda joylashgani sababli qurilish murakkab togʻ sharoitida kechmoqda.
Hozirgi vaqtda qurilishda 10 mingdan ortiq kishi mehnat qilmoqda. Tasdiqlangan jadvalga koʻra, yoʻnalishni 2031-yilda foydalanishga topshirish rejalashtirilgan, biroq pudratchilar ishlarni 2030-yilda yakunlashni maqsad qilgan. Yangi temiryoʻl yuk va yoʻlovchi tashishga moʻljallangan boʻlib, poyezdlar tezligi soatiga 140 kilometrgacha yetadi.
Manba: 24.KG · 29-oktabr