中Xitoy va Oʻzbekiston ·
Oqdaryo va Qoramoy neft va gaz sohasida hamkorlik qiladi
Samarqand viloyatining Oqdaryo tumani delegatsiyasi Xitoyning Qoramoy shahridagi II Xalqaro anjumanda ishtirok etib, neft va gaz sanoatida hamkorlik boʻyicha kelishuvlarga erishdi.
Xitoyning Qoramoy shahrida «Neft shahri – uchrashuvlar, sayohat va doʻstlik maskani» shiori ostida II Xalqaro anjuman boʻlib oʻtdi. Tadbirda Samarqand viloyati Oqdaryo tumani hokimi oʻrinbosari Elbek Jonibekov boshchiligidagi delegatsiya ishtirok etdi. Anjumanda Xitoy va Markaziy Osiyo mamlakatlari jurnalistlari hamda rasmiy vakillari qatnashdi.
Uchrashuvlar chogʻida ikki tomon hamkorlikda yangi ishlab chiqarish korxonalarini barpo etishga kelishib oldi. Xususan, neft va gaz sanoati yoʻnalishida yangi ish oʻrinlari yaratadigan hamda xomashyoni qayta ishlaydigan tizimni yoʻlga qoʻyish boʻyicha bayonnomalar tuzildi.
Oqdaryo delegatsiyasi safar davomida Qora moy togʻi, Pekin neft universitetining Qoramoy kampusi va shaharning madaniy-maʼrifiy maskanlari bilan yaqindan tanishdi.
Manba: UzA · 16-noyabr