中Xitoy va Oʻzbekiston ·
Sadir Japarov: Qirgʻiz va oʻzbeklar oʻrtasida nizo qoʻzgʻatilishi mumkin
Qirgʻiziston prezidenti Sadir Japarov prezidentlik saylovlari arafasida qirgʻizlar va oʻzbeklar oʻrtasida millatlararo nizo keltirib chiqarishga urinishlar boʻlishi mumkinligidan ogohlantirdi.
Sadir Japarov xalqqa murojaat qilib, 1990 va 2010-yillardagi etnik toʻqnashuvlarni esladi. U taxminiy provokatsion rejalarni Xitoy—Qirgʻiziston—Oʻzbekiston temiryoʻli qurilishi bilan bogʻladi.
Prezidentga koʻra, ayrim siyosiy kuchlar goʻyoki ommaviy tartibsizliklar keltirib chiqarish va ovoz berish jarayonini barbod qilish uchun millatlararo adovatni qoʻzgʻatish imkoniyatini muhokama qilmoqda.
Japarov qirgʻizistonliklarni millatidan qatʼi nazar, provokatsiyalarga berilmaslikka chaqirdi. U keksa avlod vakillariga murojaat qilib, 1990 va 2010-yillardagi voqealarni boshdan kechirmagan yoshlarga millatlararo toʻqnashuvlarning ehtimoliy oqibatlarini tushuntirishni soʻradi.
Manba: Daryo · 12-noyabr