中Xitoy va Oʻzbekiston ·
Pekinda Shavkat Mirziyoyevning xitoy tilidagi kitobi taqdim etildi
Pekin shahrida Oʻzbekiston Prezidenti Shavkat Mirziyoyevning xitoy tiliga tarjima qilingan kitobi taqdimoti boʻlib oʻtdi.
Pekin shahrida Oʻzbekiston Prezidenti Shavkat Mirziyoyevning xitoy tiliga tarjima qilingan kitobi taqdim etildi. «Oʻzbekiston: Barqaror taraqqiyot va farovonlik yoʻlida» nomli ushbu nashrga davlat rahbarining 2021–2025-yillar oraligʻidagi nutqlari, intervyulari hamda xalqaro ommaviy axborot vositalaridagi maqolalari kiritilgan.
Kitobda mamlakatning iqtisodiy rivojlanishi, davlat boshqaruvi va tashqi siyosat yuritish borasidagi yondashuvlari aks etgan. Shuningdek, islohotlarni amalga oshirishda Xitoy tajribasidan qanday foydalanilgani haqida soʻz boradi. Taqdimot marosimi Oʻzbekistonning Xitoydagi elchixonasi va Xitoy xalq nashriyoti tomonidan tashkil etildi.
Tadbirda Oʻzbekiston Prezidenti maslahatchisi Olim Davlatov, elchi Farxod Arziyev, Taraqqiyot strategiyasi markazi ijrochi direktori Eldor Tulyakov va xitoylik ekspert Syu Tao ishtirok etdi. Maʼruzachilar kambagʻallikni qisqartirish, davlat boshqaruvini takomillashtirish hamda infratuzilmani rivojlantirish sohalarida Xitoy tajribasi muhim oʻrin tutishini taʼkidladilar.
Manba: Kursiv Media Узбекистан (uz.kursiv.media) · 31-oktabr