工Iqtisod va ish ·
Oʻzbekiston Markaziy banki Gonkong tajribasini oʻrgandi
Oʻzbekiston Markaziy banki delegatsiyasi Gonkong FinTech Week tadbiri doirasida Gonkong va Malayziyaning moliyaviy regulyatorlari tajribasini oʻrgandi.
Oʻzbekiston Markaziy banki vakillari Gonkong pul muomalasi boshqarmasi, Malayziya Markaziy banki hamda PETRONAS kompaniyasi vakillari bilan uchrashuvlar oʻtkazdi. Uchrashuvlarda maʼlumotlarni boshqarish hamda nazorat hisobotlarini avtomatlashtirish masalalari muhokama qilindi.
Muzokaralar davomida nazorat ostidagi tashkilotlardan batafsil maʼlumotlarni yigʻish mexanizmlari, hisobot topshirish uchun yagona platforma yaratish va maʼlumotlar sifatini tekshirish tizimlari koʻrib chiqildi. Shuningdek, maʼlumotlarni boshqarishda Ataccama platformasidan amaliy foydalanish koʻrib chiqildi.
Markaziy bank vakillarining taʼkidlashicha, ushbu uchrashuvlarda olingan tajriba Oʻzbekistonda regulyatorlik hisobotlarini avtomatlashtirish ishlarida qoʻllaniladi.
Manba: UzDaily · 13-noyabr