工Iqtisod va ish ·
Jizzaxda qishloq xoʻjaligi mahsulotlarini qayta ishlash loyihasi muhokama qilindi
Oʻzbekiston Investitsiyalar, sanoat va savdo vazirligida Xitoyning Qingdao Wanlin kompaniyasi bilan Jizzaxda oziq-ovqat mahsulotlarini qayta ishlash loyihasi koʻrib chiqildi.
Oʻzbekiston Investitsiyalar, sanoat va savdo vazirligida Xitoyning Qingdao Wanlin Health and Wellness Industry Group kompaniyasi vakillari bilan uchrashuv boʻlib oʻtdi. Unda vazir oʻrinbosari Ilzat Qasimov va xitoylik kompaniya asoschisi Li Yantao qatnashdi.
Muzokaralar chogʻida Jizzax viloyatida yangi sarmoyaviy loyihani amalga oshirish istiqbollari atroflicha muhokama qilindi. Mazkur loyiha qishloq xoʻjaligi mahsulotlarini chuqur qayta ishlash hamda tayyor oziq-ovqat mahsulotlarini ishlab chiqarishga qaratilgan. Tomonlar korxona quvvatlarini maxsus sanoat zonasi hududida joylashtirish imkoniyatlari va shartlarini koʻrib chiqdilar.
Uchrashuv kun tartibidan ikki tomonlama hamkorlikka oid boshqa muhim masalalar ham oʻrin oldi. Hozircha ushbu loyihaga kiritiladigan investitsiyalar hajmi, ishlab chiqarish quvvatlari va uni amalga oshirish muddatlari haqidagi tafsilotlar ochiqlanmagan.
Manba: UzDaily.uz · 29-oktabr